BJP lenir Prakash tepsetba ken o nung nisung 6 puogo

Jaipur, August 12 (Agencies): BJP lenir aser taoba mapang Gangapur-City Municipality Mendenbuba, Prakash Chand Agarwal tepsetba ken o dak sentakba nung tanü Alwar district nung nisung trok puogo.

June 9, 2015 nü Gangapur nung Agarwal par kidang gari anena ayuba mapang motorbike nung mejangjaba nisung kar arur pa dak injang kahlokja liasü, ta IG Police (Jaipur Rural) D C Jain-i ashi.

Iba ken o nung nisung trok puogo, aser taoba mapang nunga parnok anema ken o balala liasü, ta ketdangserisa ashi.

Parnok dang asüngdangyaba mapang tongti aibelensang Yogi-i police dang, pa jail nung alir Kamal Meena den tesentaktep liasü, aser paji tang Alwar Jail nung lir, ta ashi.

Kamal Meena dang Agarwal tepsettsü asoshi Shivcharan Meena-i senotsü agütsü, iba sülen Kamal-i Yogi den tongtepratepa pa tepsettsü sentong yanglu, ta paisa ashi.