BJP lenir Raja-i judiciary anema jembiba tatok meshi

Chennai, Mongputeni/October 22 (Agencies): BJP national secretary H Raja-i Tentonü Madras High Court nung judiciary aija tamagitsü o jembiba atema ken o angadangba mapang tatok meshia liasü.
Raja-i tatok meshiba sülen okadak ajanga pa anema ken o benoka aliba agin.
Justices CT Selvam aser M Nirmal, division bench matsüngdang iba ken o bener aruba sülen okadak ajanga tetuyuba agütsüba ama Raja okadak nokdak.
Raja-i pa indang affidavit nung, pai judiciary anema mebelemdangi pa tebielmdangba nem anidakja jembi ta shia tatok meshi.
BJP lenir anema division bench-i Rongjui/Sept 17 nü ken o benok.
Judiciary mezüngmeshiba ajanga fascism ajungkettsü akok ta shia, okadak ajanga Raja dang Tentonü okadaki arua nokdaktsü asoshi tetuyuba agütsü.
Taoba ita Pudukottai district nung Ganesha süngyanglu tzü nung aremtsüba sentong dak sendakba nung police ka den mangatettep adokba sülen Raja anema criminal case ka benok.
BJP lenir yagi police sang dang ya Hindu nung anemer aser ochi mashi ta aitsü aser iba dak alia okadak ajanga tetuyuba agütsüba agi iba lenmang nung procession agitsü asoshi temelaba magütsütsü ta ashiba sülen judiciary anema pai jembia liasü.