BJP lennir ka anema FIR benok

Digboi, October 28 (Agencies): Tinsukia district kübok Margherita nungi BJP lennir kati Facebook nung Nagaon MP Pradyut Bordoloi anema o tamajung züluba atema FIR ka benokogo.
Margherita police station nung BJP lennir Rupam Deodhai Baruah anema FIR ji benok.
Congress lennir Manoranjan Borgohain-i Baruah anema ken o ka benokba sülen Margherita police-i FIR ji benok.
Baruah-i Nagaon MP Bordoloi anema o tamajung zülur lemsatep ta tai tonglokja lir.
Baruah ya taoba journalist ka lir aser Margherita BJP MLA Bhaskar Sharma indang media cell adviser lir.
Iba ken o bushisüngdangdar ta Margherita police nung officer-in-charge-i metetdaktsü.
Külen, Tinsukia Congress-i BJP lennir Baruah aputsü atema takhangba agütsür.