BJP Nagaland-i Orientation atema sangdonger

Dimapur, November 02 (TYO): State BJP Nagaland-i November 4, 2017 anepdang 10:30 ako nungi tenzüka Hotel Saramati conference hall, Dimapur nung Orientation Training programme atema züngsemtem dang temetettsü osang kar sangdongogo.
Iba sentong nung shisalen sayurtem aser parnoki jembitsü onüktemji: Ananta Narayan, Organising Secretary-i BJP putiotsü aser Organisation indang onük jembitsü; Kheto Sema, taoba mapang minister aser SEM-i 2018 Assembly Election onüktem jembitsü; P.Paiwang Konyak, BLP leniri Central sorkar Scheme balala aser sorkari inyaktetbatem indang jembitsü; K.James Vizo, Media Cell Convenor-i BJP aser tamangba yimsü onüktem nung jembitsü aser taoba mapang state Tir, Dr. M. Chuba Ao-i tang Nagaland yimtenren tensa aser asalentong onük nung jembitsü.
Iba sentong nung State office ketdangpurtem ajak, party otongdartem, Core group züngsemtem, BJP MLA tem, Morcha Tirtem aser tongti tezülur ajak medema adentsü mepishia metetdaktsür, ta tanü Media Cell BJP Nagaland-i sangdong ka ajanga metetdaktsü.