BJP Nagaland-i Orientation Training sentong agi

Dimapur, November 4 (TYO): State Bharatiya Janata party (BJP) Nagaland-i November 4, 2017 nü Tourist Lodge conference hall Dimapur nung Orientation Training programme ka ayongzüka agi.
Sentong nung mendenji State President Visasolie Lhoungu liasü aser taoba State President, Dr M. Chuba Ao-i temoatsü meshia sarasadem.
Sentong nung BJP legislator Party leader aser Parliamentary Secretary, P. Paiwang Konyak-i NDA sorkar kübok Central schemes takok ngua inyakbatem indang osang metetdaktsü.
Skill India, Pradhan Mantri Mudra Yojana, Digital India, Beti Bachao Beti Padhao Yojana, Pradhan Mantri Jan Dhan Yojana, Swachh Bharat Abhiyan aser Prakash Path-way to light-the National LED programme amala indang osang pai metetdaktsü.
Taoba minister Kheto Sema aser Dr Chuba Ao nati 2018 assembly election atema onüktem lemsatep aser organising Secretary Ananta Narayan Mishar o State executive member K. James Vizo nati BJP indang putiotsü aser tangartemi party mangateti jembiba indang onüktem lemsatep.
Iba sentong nung State Office bearers, Core group members aser Morcha Presidents o General Secretaries aika aden aser State President Visasolie-i district touring teams 4 dang November 20, 17 tashi nung sentong agitsü atema metetdaktsü.
November 8 nü BJP-i linük ajungalen Demonetisation tenzüker küm ka ajungba anogo amungtsü aser iba tenüng nung Union Minister of Railway, Rajen Gohain-i Dimapur semdangtsü ta Visasolie-isa ashi.