BJP Nagaland Media cell Convenor, K James Vizo shim

Dimapur, October 21 (TYO): BJP Nagaland Media Cell Convenor atema K James Vizo shimogo, aser state Tiri Convenor dang par team tentettsü tuyuogo, ta tanü BJP state tongti tezülur, Eduzu Theklo-i sangdong ka ajanga metetdaktsü.
Ano tanga sangdong ka nung BJP state tongti tezülur, Eduzu Theklo-isa, Disclipinary Action Committee-i benokba nung ajemdaker BJP temzüng Arrla XXV Clause 2 aser 10 kübok BJP Nagaland state Tiri Khriezovolie Kesiyie aser Seyiekhrielie Nagi nati party anema inyakba atema tenaprong Primary aser Active membership nungi anentsür, ta metetdaktsü.