BJP Nagaland state minority morcha-i senden amen

Kohima, Metsüremi/March 07 (TYO): Tang mezüngsüa Kohima nung BJP Nagaland State Minority Morcha Sammelan kaogo; iba sentong nung National President BJP Minority Morcha, Abdul Rasheed Ansari aser National General Secretary, BJP Minority Morcha SM Akram na densema liasü, ta BJP Nagaland-i sangdong ka nung metetdaktsü.
Nagaland State nung alir Minority communities- Hindu, Muslim, Malayali aser Sikh nungertema iba senden nung denogo.
Sammelan sentong nung onük aika nung o lemtepa liasü aser linük nung minority tem jenjang ajungkettsütsü atema Ministry of Minorities, Government of India-i tenzüktsüba scheme balala metetdaktsü.
Khevishe Sema, state secretary/minority in-charge Nagaland, Mukhtar Hussain Khan, Assam president BJP Minority Morcha, Md, Salam Khan, Manipur President BJP Minority Morcha aser Loko Sono, Arunachal Pradesh president BJP Minority Mocha nungeria o jembi.
Sentong tetenzüklen Nagaland state president BJP Minority Morcha, Rajiv Jha-i Tir onük jembi aser general secretary Nagaland BJP Minority Morcha, Ankur S. Rai-i lokti pelaa agizükba o jembi. Tatemsa state vice president BJP Minority Morcha, Diwakar Kachari-i tepela anküp o jembia liasü.