BJP nungi CM candidate ka danga lir ma?: Akhilesh

Lucknow, October 30 (Agencies): BJP-i, Uttar Pradesh nung Chief Minister pongu lir, ta aitsüba dak sentakba nung Uttar Pradesh chief minister,  Akhilesh Yadav-i, taruba assembly election nung chief minister candidate asütsüsa BJP nungi lenir ka danga lir ma?  ta asüngdanga aitsü.
Lucknow nung Power Department sentong ka nung jembidang Akhilesh-i, “BJP lenirtemi Samajwadi Party (SP) sorkar nung chief minister pongu lir ta jembia arur. Iba menden atema parnoki ka (BJP nungi) danga shimteta nüburtem dang sayutettsü asü ta ni parnok dang asüngdanger,” ta ashi.
State nung BJP tashi mali ta shia Yadav-i, Cenre nung BJP-i aniba sorkar tashii aruba sülen tesüiba küm ana nung parnoki kechi inyaktsü? ta asüngdang.
BSP aitsüba olen ka nung paisa, “BSP-i iba yimti nung shititem amenok. Tesüiba küm teku nung ibaji marakzüi dang lir. Senotsü ajak amajok nung intokogo aser parnoki taruba sorkar akumtsü ta jembir,” ta aitsü.
SP sorkari state nung terenlok mapa balala inyakba metetdakja pai, tang state terenlok lenmang nung jajadar, aser ibaji azükaru aliba ajanga kuli sayur, ta ashi.
Terenlok tsütsü SP sorkar den shingaia tokteptsü makok, ta paisa shisem.