BJP Par Board-i Bihar CM candidate atema lemtettsü

New Delhi, September 06 (Agencies): Kobi melii BJP Parliamentary Board-i assembly election agitsü aliba state Bihar nung Chief minister candidate ka shimtsü asü meshitsü’ar ibaji lemtettsü, ta Deobar nü senior party lenir Rajnath Singh-i ashi.
“Chief minister candidate ka shimtsü asü meshimtsü’ar ibaji onok Parliamentary Board-i lemtettsü,” ta Union Home Minister Singh-i ashi.
Party-i menden kwi nungi tokteptsü ta asüngdangba langzüdang pai, iba atemaji teloktep party tem den tang tejembitak aser tatembang telemtetba ka kobii melii agitsü, ta ashi.
Bihar nung BJP jenjang dak sentakba nung Home Minister-i, opposition party tem- JD-U, RJD aser Congress teloktep jenjangji masadangdeter, ta ashi.
Tawa Samajwadi Party-i menden alemba mapang parnokbo mejaok aser ibaji mezüngmeshiba ka lir ta shia secular teloktep toktsüogo.
SP lenirtemi, iba teloktep nung Congress aliba ajanga Mulayam melung mesüi liasü, kechiyong Uttar Pradesh yimtenren nungbo Congress ya tsükchir party ka lir, ta ashi.
Congress Tir Sonia Gandhi den külemi election atema nüboyimbaji SP pusemertemi junga magizüktettsü, ta parnokisa ashi.
Menden 243 aliba Bihar assembly nungi SP nem menden pongu dang lemzükja liasü.
Bihar Assembly mapangtong ya November 29, 2015 nü tembangtsü.
Tarüba anogo ishika tsüngda Election Commission-i Bihar Assembly election atema sangdong agütsütsü imladagi.