BJP purtem linük telongjem anogo amongtsü

Dimapur, October 29 (TYO): Linük ajaklen amongba den külemi Nagaland nunga Sadar Patel tasoba anogo October 31, 2015 nü ” National Unity” anogomong amongtsü sentong renema lir. Iba sentong ya Dimapur nung Party Head office nung anepdang 11:00 ako nungi amongtsü. Anungji BJP nung inyakertem ajak iba senden nung adentsü asoshi mepishia metetdaktsüogo.
Sardar Vallabh Bhai Patel ajanga India nüjiso nguli, pai linük nung nübortem ajak yimten ka kübok longjema alitsü asoshi kanga meranga inyaka liasü.
Tang tashi state nung BJP telok shitak dang tashi itta lir, anungji ketdangser shingaia BJP indang mashimashi osang kakettem nung magütsütsü asoshi State Secretary, BJP Wb. Imsü Yadeni metetdaktsüogo.