BJP sorkar dang jashir mim mozü achisang süogo

Dehradun, January 9 (Agencies) : Uttarakhand nung Haldwani yimti nungi business inyaker ka shiba taoba January 6 nüto mim mozü chir Dehradun nung aliba BJP office-i aru, pa tanü Mongulbar nikongdang mozüki ka nung süogo, ta osang ka ajanga metetdaktsü.
Kasa osang ajanga ashiba agi, demonetisation aser GST ajanga pai inyakba ‘transport business’ nung takoksa aludaktsü ta jashia pai iba tamashi mapa ya inyaktsü atongtet. Prakash Pandey ya küm 40 tema liasü.
Taoba January 6 nüto nüburtemi par timtem indang state agriculture minister, Subodh Uniyal den lemsatepa lia Pandey-ji BJP office tonga aru. Demonetisation aser GST ajanga business nung takoksa angu, ta pai centre aser state nung aliba BJP sorkar aitsü.
Demonetisation & GST agi pai inyakba ‘transport business’ nung takoksa tulu alu ta shia tesüiba ita ishika tejaklen pai Prime Minister’s Office aser Uttarakhand Chief Minister Trivendra Rawat naprong dangi tezüluba nung agütsü saka pa nem teyari kechia magütsü. Anungji kechianga mesayang nung pai iba mapa inyaktsü apitet, ta kasa osang ajanga metetdaktsü.