Lucknow, January 27 (Agencies): Bodhbarnü Samajwadi Party (SP) tongti lenir, Mulayam Singh Yadav-i, Ato kilonser Narendra Modi aser Bharatiya Janata Party (BJP)-i aluyimertem ashioktsüogo, ta sashia aitsü.
Lucknow nung party lenirtem aser party youth wing nung inyakertem den jembidang taoba mapang defence minister Mulayam-i, 2014 Lok Sabha election atema nüboyimba mapang Modi aser par party-i aluyimertem dang aika nangzükogo, ajisüaka tesüiba ita 18 tsüngda parnoki aluyimertem atema kecha meinyaktsü, ta ashi.
“Modi aser BJP naprong nüburtem matsüngdang jungkai adokogo, kechiyong linük tesem ajaklen aluyimertem soseta asüba aser lanurtem mapa mangubaji ajaki meteta dang lir,” ta pai party lanur lenirtem dang ashi.
Samajwadi Party tongti lenir Mulayam-isa, “Sorkar tashi nung aliba party (BJP)-i terenlok aser azükaru atema onük aika nangzüka liasü,” ta ashi.
“Election nung tajangzük angutsü nükjidong nung BJP-i linük nung tamangba lokti balala tsüngda telemsa adokdaktsütsü meranger, aser iba talisa parnoki Uttar Pradesh state nung inyaker, ta paisa aitsü.
You must be logged in to post a comment Login