BJP sorkari Arunachal cabinet ulushia minister 3 shimok

Guwahati, January 14 (Agencies): Tanü Arunachal Pradesh nung Chief Minister, Pema Khandu-i aniba BJP sorkari cabinet nung minister asem shimoka state cabinet nung minister 12 kümogo.
Alo Libang, Bamang Felix aser Dr Mahesh Chai nunger State Cabinet nung shimok, aser state Angh, V. Shanmuganathan-i ketdangsüa Raj Bhawan, Itanagar nung parnok nem tenangzükba agidakja liasü.
Tenangzükba agiba sentong nung Road, Transport & Highways Union Minister, Nitin Gadkari aser Union Minister of State for Home, Kiren Rijiju nata dena liasü.
Yaküm December 31 nü Chief minister, Khandu den pa pusemer MLA temi Peoples’ party of Arunachal (PPA) toktsür BJP nung dena liasü. CM densema PPA MLA 33 shi BJP nung aden. PPA nung MLA 43 liasü.
Tamalen Khandiu-i Takam Pario, Tanga Byaling aser Rajesh Tacho nung cabinet menden nungi anenja liasü.