BJP sorkari nüburtem nem tesünep magütsüteter: Mayawati

Lucknow, May 20 (Agencies): Tanü BSP tongti lenir, Mayawati-i, Uttar Pradesh nung BJP sorkari nüburtem nem tesünep aser security magütsüteter, ta aitsü.
UP Chief Minister, Yogi Adityanath-i, par sorkari ozüng alema inyakertemi angatettsüsa parnok oshi agi jembitsü, ta jembiba aija Mayawati-i, sorkari mapa agi masü saka o agi dang inyaker, ta aitsü.
“Iba sorkari temzüng nung aliba tongtibang teinyaktsü- nüburtem nem tesünep aser security agütsütsü nung tamakok nguogo,” ta lai ashi.
State nung sorkar melenba ajanga nüburtemi tajangzük kecha mangur, kechiyong ozüng alema inyakba mapatem ajema makümer, ta laisa ashi.
“BJP nem vote agütsür shishilembartem anema maneni inyakba ajanga parnoki longkak aiter. Saharanpur aser Mathura nung tatalokbatem ajanga Yogi Adityanath-i aniba sorkari yazü jembiba jungkai adoktsüogo,” ta lai ashi.
BSP lenirisa, BJP-i Uttar Pradesh nung temelenshi bener arütsütsü nangzük, ajisüaka police tema tazük achir, anungji iba ya tebilemtsü tulu ka lir, ta ashi.