BJP ya India nung secular party ka lir

Dimapur, Tsüklai 10 (TYO): India ya tamangba yimsü kecha dena sendaktepba maliba linük ka lir anungji India nung political party ajak indang tangatetbaji tamangba yimsü kecha dena sendaktepa mali. Anungji, asenok Khristantem dena India nung senso mesüra tamangba yimsü dak sendakba telok shingaia secular tangatetba anema menokdaktsüla ta National Executive Member BJP, Johny G. Rengma-i tanü sangdong ka nung ashi.
Asenok secular linük ka nung alir asünung secular tangatetba anema noktakba lennirtemji linük anemertem lir. Election Commission of India-ia India Linük Temzüng nung ajemdaker political party kecha nungia secular anema noktakba yimsüsürtem magizüktsü, ta Johny Rengma-isa ashi.
Election ya India temzüngi melaba inyakyim ka lir aser iba ya democracy nung tongtipang benjung rongnung ka ama akhümtsübur, ta paisa shisem.