BJP ya tiyazü jembirtem: Gaurav Gogoi

Imphal, Luchii (December) 21 (Agencies): Sangküm Lok Sabha election nung Congress-i takok angutsü ta Assam nungi Lok Sabha MP aser All India Congress Committee (AICC) indang general secretary Gaurav Gogoi-i ashi.
Imphal nung aliba Congress Bhawan nung osangbener den jembidang Gogoi-i ashiba agi, “tawa state pungu nung Assembly election agiba osang ajanga tarutsü atema teimla sayur.”
Election result ajanga BJP aser Congress bendangogo aser tangbo “BJP ya tiyazü mangdang ayurtem aser Congress ya mapa inyakertem” ta lemsaogo, ta Gogoi-isa shisem.
Tarutsü atema teimla tasen ya linük ajungalen prokshitsü, ta AICC general secretary-isa metetdaktsü.
Rafale ken o atema telemtetba agitsü atema Supreme Court ya tim sabang masü. Iba onük bushisüngdangtsü atema Congress-i Joint Parliamentary Committee (JPC) ka tentettsü akhanger aser iba nungi masetshir, ta paisa ashi.
BJP-i Comptroller and Auditor General (CAG) report indang tiyazü affidavit ka Supreme Court nung agüja, parnok mashileni anisa, ta Gogoi-isa shisem.