BJYM Mkgi IMDH nung metsümeshidak ana yanglutsü

Mokokchung, Oct 12 (TYO): Mokokchung nung aliba Imkongliba Memorial District Hospital (IMDH) nung nübur asoshi metsümeshidak nüngdakba reprangteta Bharatiya Janata Yuva Morcha (BJYM) Mokokchung District-i Free Public Toilet ana tashi yanglutsüogo, ta BJYM sangdong ka ajanga metetdaktsü.
IMDH ketdangsertem lia iba Free Public Toilet anaji Oct 8 nüto Temjen Imna Along Longkumer ajanga lapoktsüogo. Iba metsümeshidak anaji Beth Shalom Society Longtho ajanga teyari agütsür yangluba lir, ta kasa osang nungsa metetdaktsü. Nüburtemi iba metsümeshidak anaji sen magütsüi angati amshitettsü akok, ta parnokisa shisem.