BJYM National Secretary atema Arunachal nunger Nani Opo shim

Itanagar, March 1 (Agencies): Bharatiya Janata Yuva Morcha (BJYM) nung National Secretary inyaktsü atema Arunachal Pradesh nungi Nani Opo shim.
Northeast nungi iba mapa inyaktsü atema mezüng nübo shimbaji pa asütsü.
BJYM president Poonam Mahajan-i Hombarnü Opo shim.
BJYM nung National Secretary shimba sülen Opo-i “Ni party temaba jenjangi ajungkettsü atema bendanga agüja aser meranga inyaktsü” ta metetdaktsü.
Arunachal nung PRC tebilemtsü indang olen ka ashidang Opo-i “Ozü Chief Minister Pema Khandu-i kanga dang shisa kaa iba tebilemtsü atema telemtetba agiogo” ta metetdaktsü.
“Tang state nung tensa süngjemogo aser khuret kecha mali kümogo” ta paisa shisem.