‘Black Mass’ film Venice Film Festival nung mezüngsüa saytusü

Los Angeles, July 25 (Agencies) : Nüngtugu Hollywood actor, Johnny Depp-i tongti shilem agiba ‘Black Mass’ film 72 buba Venice Film Festival nung mezüngsüa sayutsü renemogo.
Scott Cooper-i direct süa yangluba film ya Sala Grande kübok Lido’s Palazzo del Cinema nung taküm September 4 nü sayutsü renema lir ta Variety osangi metetdaktsü.
‘Black Mass’ film ya US kübok Boston yimti nung ozüng alema inyaker mongin, James ‘Whitey’ Bulger taküm otsü nung ajemdaker yangluba film lir.
Bulger-i ozüng alema inyakba maparen toktsür külen 1970s nungi tenzüka 1990s tetenzüklen tashi pa ama ozüng alema inyakertem den sentakba miim osangtem Federal Bureau of Investigation (FBI) ketdangsertem den lemsatepa parnok yaritepba liasü.
Film nung Bulger ama shilem agisang, Depp den külemi, Benedict Cumberbatch, Kevin Bacon, Joel Edgerton aser Peter Sarsgaard nungeria iba film nung tongti shilem agia lir.
Director Baltasar Kormakur-i direct süa yangluba ‘Everest’ film-a Venice Film Festival tetenzükba anogo, September ita 2 nü sayutsü asoshi renemba osang angazükogo.
72 buba Venice Film Festival ya September ita 12 nü tashi agitsü sentong renema lir.