Black Widow kija indang film yanglutsüa akok

May 08, 2016:  Marvel Studios-i parnoki stand-alone Black Widow movie ka yanglutsü, aser iba film nung starring Scarlett Johansson asütsü akok, ta sangdongogo.
Tamalen Marvel Cinematic Universe film tem nunga lai shilem agia aruogo.
deadline.com osang nung ajemdaker the Hindu osang ajanga ashiba agi, Falcon, War Machine, Black Widow aser Hawkeye nunge shilem dak sentakba tasüngdangba ka langzüdang Marvel Studios Tir, Kevin Feige-i, “Nenoki tang ashiba character rongnung onoki Black Widow atema inyaktsü,” ta ashi.
Fiege-isa, Johansson-i Black Widow shilem junga agiogo, anungji iba character kija indang movie ka adoktsüji junger asütsü, ta ashi.
“La indang character ji jangratemtsüka ta onoki bilemer. Scarlett Johansson-i la indang shilem agibaji kangasa junger ta onoki bilemer. Avenger rongnung la tongti aser la kija indang shilem nung otsü aika ashitsü lir, anungji iba kija indang movie ka yanglura tajung asütsü,” ta paisa ashi