Blackberry-i Evolve aser Evolve X India nung sayaogo

Luroi/August 03 (Agencies): Blackberry-i parnok indang Evolve aser Evolve X ta nüngja jatettsüba smartphone ana India nung sayaogo. Evolve jenjang ya sen 24,990 aser Evolve X jejang ya sen 34,990 asütsü aser Amazon.in ajanga phone anaprong angutsü. Blackberry Evolve X smartphone ya Luroi tatemlen nungi angutsü aser Evolve smartphone ya Rongjui tom nungi angutsü. Iba sayaba den külemi Reliance Jio nungi cashback offer sen 3,950 densema tanga offer tem sangdongogo. Tanga offer ji ICICI bank credit card holders nem EMI transactions atema cashback offer shilem 5 angutsütsü. Item den bendenloksema offer talila atema tajangzük angutsü.
Blackberry Evolve X
Blackberry Evolve X nung 6 GB RAM den 64 GB internal storage keta aliba angutsü aser microSD slot amshia 2 TB (Terabyte) tashi atsülanga benshitettsü. Smartphone nung tashiji Qualcomm Snapdragon 660 chipset ka ajanga agütsür. Device nung 5.99-inch IPS (In-Plane Switching) LCD display keta aliba ajanga phone kanga aküm keta ngudaktsür.
Display den yarisemtsü atema aspect ratio 18:9 inoka yanglutsü aser tekümzüktsü atema 2.5 D Corning Gorilla Glass 5 keta aliba angutsü. Tanü tensa smartphone timba nung bezel-less design nung angur, ajisüaka Evolve X aser Evolve smartphone display tema aser ponglang nung ‘chubby strips’ design keta aliba angutsü. Display tema nung selfie tangoktsü atema 16 MP camera den ‘selfie flash’ aser tesülen dual tone LED flash anasa 12 MP+13 MP dual camera setup metongi inoka yanglutsü.
Camera nung live bokeh mode keta aliba angutsü. Evolve X smartphone nung 4,000 mAh battery ajanga tashi agütsütsü aser charge asüba mapang yarisemtsü atema Qualcomm Quick Charge 3.0 den külemi wireless charging feature inoksema yanglutsüogo.
Blackberry Evolve
BlackBerry Evolve nung 4 GB RAM den 64 GB internal storage keta aliba angutsü aser tamshirtemi phone nung aguja aliba microSD slot ji amshia 256 GB tashi atsülanga benshitettsü.
Smartphone nung tashiji octa-core chipset aser Qualcomm Snapdragon 450 processor ajanga agütsür aser ayonga amshitsü atema 1.8 GHz nung clock sutsüogo. Evolve nung inch 5.99 taasaük indang IPS LCD display ajanga phone aküm keta ngudaktsür aser iba den yarisemtsü atema aspect ratio 18:9 inoka yanglutsü.
Tekümzüktsü atema Evolve nung Corning Gorilla Glass 5 agi meyia yanglutsü. Display tema nung ‘selfie flash’ densema 16 MP camera keta aliba angutsü. Phone tesülen dual-tone LED flash anasa 13 MP+13 MP dual camera setup metongi inoka yanglutsü.
Device nung tashiji 4,000 mAh battery ajanga agütsür aser charge nung yarisemtsü atema quick charge feature inoksema yanglutsüogo. Evolve X aser Evolve unlock asütsü atema camera ponglanglen fingerprint sensor keta aliba angutsü.
Iba den külemi phone anaprong yagi facial recognition support asütsü aser tajung kaji phone naprong yagi ‘face dataset’ asem tashi save süa yutettsü. Phone nung keta aliba sensor ji proximity sensor, accelerometer, gyroscope aser magnetometer tem asütsü aser handset naprong nung Android Oreo 8.1 ajanga tashi agütsür.