BlackBerry India-i Rs 99,990 jenjang smartphone sayaogo

New Delhi, August 16 (Agencies): Smartphone yanglur BlackBerry-i India nung Porsche Design P’9983 Graphite Smartphone sen 99,990 yong ayoktsü, ta sangdongogo.
Iba smartphone ya taküm May ita saya aser BlackBerry sangdong nung ashiba agi qwerty-style smartphone nung “exclusive graphite-metallic coloured elements” aser “hand-wrapped leather on the back door cover” keta lir.
BlackBerry aser Porsche Design yaritepa tan agi Porsche Design indang smarphone pezübuba yangluogo.
Porsche Design P’9983 Graphite Smartphone nung 3.1-inch touch screen keta lir aser 1.5GHz dual-core Snapdragon S4 processor den 2GB RAM ajanga tashi agütsür.
Iba smartphone nung 64GB inbuilt storage lir aser microSD card ajanga 128GB tashi ajungkettettsü akok.
“Iba smartphone ya power professionals atema yangluba lir,” ta BlackBerry India director for sales & distribution, Hitesh Shah-i metetdaktsü.