Blake Shelton aser Gwen Stefani nati ken tasen ka yangluogo

Luchii/December 05, 2019 (Agencies): Country kentener Blake Shelton indang taruba kensep atema, pai Gwen Stefani den lungjemer ken tasen ka yangluogo. Iba ken nüngja ‘Nobody But You’ asütsü.
Taoba mapang apuani, shiba 2015 kibong kümer küm pezü sülen bala liasü, tenati 2016 küm ‘Go Ahead and Break My Heart’ sayaa aser tang tanaben ‘Nobody But You’ atema tena lungjemogo.
Iba ken ya, Blake indang taruba kensep – ‘Fully Loaded: God’s Country’ nung adoktsü.
Blake-i ashiba agi, mezüngbo iba track ya ni dang atentsü asoshi bilema liasü saka tesüsa recording studio nung Gwen anioka iba ken külemi record asütsü atema ni telemtetba agi.
”Kensep tasenba indang ken rongnung, iba ken ni kanga sapua anaba ama, ni iba ken kanga dang meimadok,” ta Blake-i ashi.
”Iba ken ya kü atema kanga dang tongtibang ta yimdangi aru aser ibaji ajanga writer Shane McAnally-ia kü nem iba ken record südaktsüna liasü ta ni bilemer,” ta Blake-i ashi.
”Iba ken ajanga kü taküm otsü ashir. Ibaji ajanga, ni kü maparen Gwen nema metetdaktsünüa liasü aser Gwen anioka iba ken külemi record asütsü ni mulungtet,” ta Blake-i lemsatep.
‘Hell Right’ kentener indang ‘Nobody But You’ ken ya Shane McAnally, Ross Copperman, Josh Osborne aser Tommy Lee James nungeri züluja liasü.