Blaupunkt-i audio product tem introduce süogo

Metsüremi/March 09 (Agencies): Alima nung technology tsütsü lennir – Blaupunkt-i India shishilembadak jenjang aketba personal audio product tasentem sayaba sangdongogo.
Blaupunkt-i truly wireless earpods BTW01, wireless earphones Floatz BE-01, aser wire aketba earphones EM01 sayaogo. Taruba ita nunger nung company-i personal audio segment nung product tasentem bendenloktsütsü nükjidong lir.
India nung lanurtem atsüa arutsü atema Blaupunkt-i earphones tem introduce sütsüogo aser item device jenjang sen 499/- agi tenzüka angutsü.
Iba den külemi, company indang ‘state-of-the art’ product rongnung high quality wired earphones aser alima nung tepungbatiba wireless earphones Floatz BE01 densema lir; aser item device ya India nung offline store den tongtibang online sabangtem ajanga angutsü.
Blaupunkt-i parnok indang earphones ajunga nung advance sound tech inoka yanglutsüogo. Personal Audio product tem bendenlokba ajanga German Audio Innovation Leader – Blaupunkt tanaben shishilembadak takok angutsü imlar. Tesüiba küm nunger nung India shishilembadak company indang sound bar, sound tower, 2.1 speaker aser BT speaker tem takok ngua yoka liasü; iba den külemi nüburtemi audio product sapuba rongnung Blaupunkt asütsü.