Block Level Convergence Plan Committee senden amen

Mokokchung, June 19 (TYO): Ongpangkong North/South aser Kobulong Block nung Poshan Abhiyan (National Nutrition Week) atema IEC aser advocacy agitsü Block Level Convergence Plan Committee pur June 19, 2019 nü EAC office, Ongpangkong nung senden menogo; EAC Ongpangkong, Kupeusing Meru leniba nung iba senden agi, ta ketdangsertem osang ka ajanga metetdaktsü.
Senden nung züngsemtemi National Nutrition Mission indang nübur ajak nem metetdaktsütsü atema IEC sentong takok ngua agitettsü asoshi o lemtep.
Parnokisa June nungi August ita tashi yim aser Block Levels nung mass media, outdoor media aser community media agitsü lemtet.
Chairman-i line departments nungi ketdangsertem dang item sentong takok ngua agitettsü atema amalitepa inyaktsü ajungshia liasü.