‘Blood Moon’ nung Kate Hudson denogo

Los Angeles, Mongputeni/October 30 (Agencies): Taruba “Blood Moon” film nung actor Craig Robinson den külemi actress Kate Hudson-i tongti shilem agitsü ternemba lir.
Writer-director Ana Lily Amirpour indang “Blood Moon” project ya Oscar angusang John Lesher (Birdman)-i pa meyong ‘Le Grisbi’ banner ajanga produce asütsü jangjatsüogo.
Iba fantasy project dak sendakba nung film yanglurtemi actor Zac Efron nem shilem agidaktsütsü atema tejembidak lir.
Film otsü angadangra, New Orleans tesem kübok mental asylum ka nungi tetsübutsü yimya aser jakla aketba tetsük ka jena aoba indang asütsü, ta deadline.com sangdong ka ajanga metetdaktsü.
Blood Moon film ya 1980s aser 1990s fantasy-adventure movie tem ajanga ajungmesoba film ka asütsü. Film ya taruba küm 2019 nungi yanglutsü ternemba lir.