Blood Pressure azüoktsü inyakyim kar

Blood Pressure 140/90 mm Hg dang nungi temaba atuba dang High Blood Pressure ta ajar. BP tali asüba ajanga temulungjang tashidak, ajungben stroke aser kidney tashidak adokdaktsür. BP tali akümbaji mongin kari dang kanga junga putettsütettsü. Nü dak BP tali aliyonga ibaji ajemdaktsütsü lenmang aika lir.
BP ajema kümdaktsütsü atema teküpoklen shia aliba ama inyak nung ajungtsü:-
Jajazüba (Walk) : Anogo shia mapang tatsütsü tera kara jajazüba ajanga BP ajemdaktsür. Temang arakzüdang temulungjangi oxygen sadema agir.
Tango mapang agia saketer meilungi aludaktsüba : Tango mapang agia saketer meilungi aludaktsüba aser meditate asüba ajanga temang anibelem süngzüngdaktsür aser ibaji ajanga BP shitak lidaktsür. Anungji anogo shia anepdang aser nikongdang minute terer (10mins each) iba yimya benshitsü merangang.
Potassium peria aliba chiyungtsütem achitsüla: : Potassium peria aliba süngjang aser süngolemba teti achitsü merangang, kechiba süra sodium agi timtem adokdaktsüba ajak Potassium agi nokdangtetter.
Metsü ajema achitsüla : Metsü ang ajema achiba ajanga memeteti BP kanga ajemadoktsü. Metsü melena lime, garlic aser pepper amala achi nung ajungtsü.
Mapa inyakba mapang ajemtsüla : Anogo nung na office mapa inyakba mapang tera ajemba ajanga BP ajemdaktsütsü. Mapang talanglang mapa inyakba ajanga exercise agitsü aser chiyungtsü tajung achitsü tasak kümdaktsür.
(Source : Internet)