Bloom Bazaar ajanga “Made in Nagaland” ajungketer: CM Rio

September 30, 2023 nü Bloom Bazaar nung Chief Minister Neiphiu Rio den IDAN ketdangsürtem aser tangartem külemi agiba noksa ka angur.

Kohima, September 30, 2023 (DIPR): Bloom Bazaar ajanga “Made in Nagaland” ajungketer ta Chief Minister Neiphiu Rio-i tanü ashi.

“Team Nagaland metsü prokba atanger aser mangdang atalokogo aser iba ajnaga Bloom Bazaar tenzükogo. Iba asoshi Abu Metha-i anir Investment and Development Authority of Nagaland (IDAN) ketdangsürtem nem tenüngsang agütsür” ta CM Rio-i ashi.

Pai mezüng atema Chief Minister inyakdang Naga lanurtem taginüba aser tejangrabatem ajitet aser idangji sorkari parnok teimla aser pungmangtem atalokdaktsütsüla angatet ta Rio-isa ashi.

“Nagaland ya lisopurtem aliba tesem aser kin shiai pei pei sobaliba benjung amongba agi district headquarters ajak nung Road Show tenzüka liasü. Lanurtem aser nübortem dang pei sobaliba wazüka ayutsü tangatetba agütsütsü atema iba sentong tenzüka agi aser Hornbill Festival nung tembang. Tanübo Hornbill Festival ya national masü saka international festival ka kümogo” ta CM Rio-isa metetdaktsü.

“Benjungbentsü, mungdang, tenla kidang mesüra kidang süang naro ya kanga tongtipang lir. Naro terara shishilembartem tanübo tulu kümogo. State sorkari Horticulture department ajanga floriculture ajungmesoa aru aser tetsürtem atema Women Development Department ta ser department balaka tentettsüogo. Iba ya floriculture aser Naga nunger subosulemtsü dak rangloker tenzük” ta paisa ashi.

Pa kinungtsüia naro kanga sapua meimer aser laisa naro tsünürtem ajungmesoa arur. Tanü naro tsünürtem külemi longjemer commercial level tongogo, ta Rio-isa shisem.

“Anüolen aliba linüktem nung off season mapang naro metsünüteter aser iba jagi parnok benjungbentsü nung tanga linüktem nungi naro aika agir. India-ia kümshia sen crore aika jenjang naro yoker aser $100 million global flower business market nung India 13% lir” ta Chief Minister-isa ashi.

“Asenoki naro tajung anepalua tsünürabangla aser tajangzük aliba mapang meteta tsünüra tsünürtem dang masü saka naro amshitem dena ajangzüktsü. Bendangertem Nagaland-i arudang naro anepalua ayuba nung temulung asüba aiben shiogo” ta Rio-isa ashi.

Bank temi naro tsünürtem nem sen aputsüba atema kanga pelar aser nenoki maneni Nagaland nung naro tsünürtem yaritsü imlar, ta paisa shisem.

Paisa lanur entrepreneur tem dang bank den sendakteptsü aser bank sobaliba benshitsü ayongzük.

CM Rio-isa Chief Minister Micro Financing aser IDAN ajanga sen apunürtem yariba indang osang lemsatep/

Iba sentong nung pai floriculture business aser entrepreneurship nung beneficiaries nem cheques lema agütsü.

Sentong nungsa Advisor to Chief Minister & Chairman IDAN Abu Metha, Joint Secretary IDAN Reny Wilfred aser Under Secretary IDAN I Changsang nungeri o jembi.