Bloom Bazaar Kohima nung Cyber Security Awareness agütsü

Dimapur, Yimpoksüi/Nov. 07 (TYO): Kohima nung aliba Bloom Bazaar nung November 4, 2023 nü Cyber Security Awareness sentong ka agia liasü.

Iba sentong ya Investment & Development Authority of Nagaland (IDAN) ajanga MMB Cyber School den lungjemer ayongzük. MMB Cyber School ya nüburtem dang Cyber Safety osang sangdongba non-profit society ka lir.

IDAN ajanga ayongzükba Bloom Bazaar ya hopta 30 sentong, koba Hokulbar aser Honibarnü The Heritage, Old DC Bungalow, Kohima nung September 29, 2023 nü nungi lapoka arutar.

Ibai talisa Nagaland nung Floriculture Industry ajungkettsü aser naro metsürtem aser entrepreneurs nem sapang agütsütsü nükjidong nung lir, kong pei inyaktetba sayur aser ayoker.

Iba sentong nung Limasenla Moa aser Vizotuo Sothu na Guest Speaker ama liasü aser tenati tanü digital lima nung cyber security indang jembia liasü.

‘Scams aser online frauds, cyberbullying, online information sharing, slow system behavior, unexpected pop-ups, unusual error messages’ aser anujungi battery atemba indang jembia liasü.

Online ajanga osangtsüsang lemsatepba, lija-liyongba aser ayokba, tim masüba content tem reprangba ama anogoshi amshiba yimyatem indang tenati jembia liasü.