BMC election nung Anushka Sharma aser Ranveer Singh nunger-ia vote agütsü

Mumbai, February 21 (Agencies): Mumbai nung Brihanmumbai Municipal Corporation (BMC) indang election Mongulbarnü agiba nung Rekha, Ranveer Singh, Anushka Sharma, Zoya Akhtar aser Gulzar nunger temia vote agütsü.
BMC nung menden 227 atema election ya Mumbai nung Mongulbar anepdang nungi tenzük.
Film nung shilem agir actor tejen, Rekha, ken mejemer Gulzar, Paresh Rawal aser pa kinungtsü, Swaroop Sampath, Ranveer Singh, Sonam Kapoor, Anushka Sharma, Varun Dhawan, Shraddha Kapoor, John Abraham, Vivek Oberoi aser director, Zoya Akhtar nungera vote agütsü.
Anushka, Ranveer aser Shraddha nungeri parnok vote agütsür agiba noksatem Twitter aser Instagram nung inoktsü.
Taküm shirnoksa shimtetdir shimaka, tzü-mopung aser kiojen tajungba kümdaktsütsü asoshi inyakdaktsünür, ta Zoya-i ashi.
“Lenmang nung tango sashitsüa tasak. Nüburtemi yimti merüktsü asoshi bilema alitsü. Asenoki süngdongtem matsüngtsüla. Asenoki asen yimti anepalutsüla. Aser asenok ajaki iba mapa inyaktsüla,” ta Zoya-i vote agütsür ashi.
“Nüburtemi vote agütsütsü imlar, talisa lanurtem,” ta Gulzar-i nüburtem dang vote agütsütsü ajungshi.
Celebrities aika mapa balala nung amdaka aliba ajanga vote magütsütet.