Bob Marley tepsetba otsü ajanga 2015 Booker Prize angu

October 14, 2015: Jamaica nunger kaketzülur, Marlon James-i taoba mapang Reggae kentener nüngtugu, Bob Marley tepsettsü merangba otsü nung ajemdaker züluba kaket ajanga The Man Booker Prize 2015 nguogo.

Tetendanger tongti, Michael Wood-i Marlon-i züluba kaket ‘A Brief History of Seven Killings’ ji “most exciting book’ shortlist nung shima liasü.

Mongolbar aonung (October 13, 2015) London nung James nem senpet US sen 80,000 (£50,000) agüja liasü aser Jamaica nunger rongnung Booker Prize mezüng agizüksangji pa kümogo.

Iba ya takok tulu ka lir ta shia Marlon-i iba kaket tebu nüngtem nung agizükogo.

Iba shortlist nung James-i kaketzülur Sunjeev Sahota, Chigozie Obioma, Hanya Yanagihara, Anne Tyler aser Tom MCCarthy nunger madak iba takok ngua liasü.