Bobbi Kristina Brown den kinünger aika majurutepdaktsütsü

July 07, 2015: Bobbi Kristina Brown-er anasatiba kinüngertem dak alia kinünger tangar aika la den majurutepdaktsütsü atema temelaba ka nung mulungtepogo.

Arishi küm 22 tain, Kristina meyong noksa kar lar kinunger kari media aika dang ayoktsü merangba metetba ajanga iba telemtetba ya yanglu.

Bobbi tebu, Bobby Brown nunger kinünger aika la dang kanga manemi aliba mapang majurudaktsütsü telemtetba agiogo.

La ya dang Atlanta nung kangasa shirangertem ayuba mozü ki (hospice) ka nung anepaludar.

Kristina ya Georgia mozü ki ka nungi iba tesem yagi taoba hopta ana tejakdak anir arua liasü aser la kümzüktsü teimla maliba agi lar kinüngertemi la den tatem o aika jembimadar.

Nüburtemi ashiba agi, la dang aliba tesen nung kinünger kanga anasateper dak alia tanga kinünger shinga la den majuruteptsü ozüng züngtsü. Ibaji shitak süra tebu, Bobbi, tetsü tanutsü Pat Houston aser tetsü Cissy Houston nungeria Kristina den ajuruteptettsütsü.

“La aliba tesemi la anasatiba kinüngertem aser la anepalurtem dang aittsü melar,” ta osang kanga ajanga nüburtemm dang ashi.

TMZ aser tanga media aikati taoba hopta la meyong noksa ayoktsü merangba jungkai adoktsü. Parnok dang noksa alitsü asoshi asüngdang saka parnoki la akhümtsübuba ajanga mali, ta ashi.

Bobbi Kristina ya January ita nung la tzü chikoba taktang nung laoba sülen nungi mozü kidang anepaluteper. La kümzüktsü asoshi kangabo teimla mali.

“Tangbo la Tsüngrem kapu nungdang lir,” ta tetsüi ashi.