Bobbi Kristina Brown tetsü anasa aremtsü

July 27, 2015: Bobbi Kristina Brown den asüpila sentong Atlanta nung agitsü aser iba sülen New Jersey nung tetsü, Whitney Houston aremba tesem anasa aremtsü.

Arishi küm 22 tain, kentener tajung ka akümtsü nükla alila, Bobbi ya tzü chikoba tesem nung ondakba sülen ita trok tashi manemi lir Deobar nikongdang asü.

Tetsü Whitney Houston-a 2012 küm asü aser Fairview Cemetery, Westfield, New Jersey nung tebu John Russell Houston aremba anasa arem

Bobbi tebu Bobby Brown-a tang temulung anisüker kechiba süra par jala dang tetsü den oa anisüngzükdak lir.

Kinünger kati ashiba agi, Bobby-i pa mulung süngzüktsü asoshi pa sasa kanga merangang shisatsü azüokdar.

“Pai jala asütsü indang metetadoker liasü. Pa ya temulung kanga tanük, ajisüaka pai jala Krissy tang anisüngzükdak tesem tajungba nung lir ta metet. Ajak toktsür pai jala tetsü den anisüngzüngdak lir ta meteta temulung anisüngzüker,” ta kinunger jagisa ashi.