New Delhi, March 17 (Agencies): New Delhi nung ayonga agiba National Body Building Championship nung gold medal agizüka, 2015 Asian body building silver medallist, Shweta Rathore Miss India kümogo.
Jaipur tsürla, Shweta-i tan takok anguba sülen Miss Mumbai, Miss Maharashtra aser Miss India densema, body building tetoktepba nung takokba 3 tashi agizüker akümer lir.
Shweta-i maneni Bhutan nung taküm August ita agitsü ayongba Asian Championship aser December ita ayongba World Championship na nung toktepa shilem agitsü sentong renema lir.
“Ni nungita yarir ajung dang pelaba lemsateper. Nenoki nungita yariba ajanga dang ni tan takok tulu nguogo,” ta B.Tech degree ngua alila, Shweta-ia metetdaktsüogo.
You must be logged in to post a comment Login