Boko Haram-i nisung südaktsüba noksa sayu

Lagos, July 11 (Agencies): ISIS teloki nisung tepsetba video nung sayuba mesüka, Islamic State of Iraq aser Syria (ISIS) telok den lokteper Boko Haram telokia ita ishika lir sülen tan nisung alena yur kahsetba tetsübutsü video ka prokogo.
Boko Haram teloki pua aliba Africa nunger sepai ka ali nung temokok agi tsükitdaktsür prangpong agi kahsetba, iba tetsübutsü video nung sayur.
Iba video ya minute 10 shi lir aser video nungji Boko Haram telok pur gari nung senzüba, rocket akahba aser Nigeria nunger Army dak akahba lir.
Ki rongtsüba, Nigeria sepaitem tasümang aser raradang amshiba oset-a kasa video nungji lir.
Iba video ajanga ISIS otongdar kati “tepsetang aser tepsetdakjang” (Kill & Be Killed) omen nung ajemdaker osang prokba ka nung, Yihuda nunger o Khristan pur anema raratsü shia lir.
Boko Haram-i ISIS kübok inyaktsü, ta taküm March ita tetenzüklen metetdakja liasü.
Boko Haram tetezü “Anüolen meyong shisatsüji temenen” aser iba telok ya 2013 November ita nung tentet.