Bollywood actress Rani Mukerji mashisa kümogo

August 10, 2015: Bollywood nung nüngtugu actress rongnung ka, Rani Mukerji, shiba 2014 küm April 21 nü Aditya Chopra den kibong küma liasü, la mashisa kümogo, aser mezüng chir asotsü imladagi, ta osang ka ajanga ashi.

DNA nung osang ka ajanga, actress Rani London nung mashisatsürtem massage (malis) agidagi, ta ashi.

Tamalena television show ka nung Rani mezüng ama masü saka kanga tuluba angu, aser ibaji ajanga la mashisa südi, ta osang proka liasü.

Aji oda süaka Rani Mukherjee aser la kinüngbu natibo tena mezüng chir imlaba sangdong agüja mali.