Bollywood aser Tollywood-i Chiranjeevi den tepela anogo amung

New Delhi, August 23 (Agencies) : August 22, 2015 nikongtsütsü Southern Industry nungi actor aser yimsüsür Chiranjeevi tasoba anogo benjung nung India nunger nüngtugu nisung aika aden.
Chiranjeevi arishi küm 60 ajungba benjungji par jabaso actor Ram Charan Teja-i Hyderabad nung aliba 5-star hotel ka nung ayongzük.
Iba sentong nung Bollywood nungi Abhishek aser Jaya Bachchan, Salman Khan, Sridevi aser Boney Kapoor, Shatrughan Sinha, Ileana D’Cruz aser Vivek Oberoi o pa kinüngtsü Priyanka Alva nungertem aden.
Taoba Union Minister Chiranjeevi aliba tesem nungi Nagarjuna den kinüngtsü Amala aser jabaso Naga Chaitanya, Kamal Haasan, Mohan Babu, Dagubatti Venkatesh, Rana Dagubatti, Jaya Prada, Khushboo, Taapsee Pannu, Charmee, Tamannaah Bhatia aser ano tongtipang actor tem aika liasü.
Chiranjeevi ya küm 20 tashi Telugu film industry nung megastar ka liasü aser 2008 küm Andhra Pradesh nung pai Praja Rajyam Party ta ser regional party ka tentet.
Ajisüaka, pai yimtenren mapa nungbo film nung takok tulu anguba ama mongutet aser aji agi 2011 küm Congress den par Praja Rajyam Party loktep.
Iba sülen pa Rajya Sabha züngsem aküm aser centre nung minister inyak.
Chiranjeevi-i film 150 buba nung shilem agitsü sentong lir aser iba ya director Puri Jagannath-i ketdangsüa yanglutsü.