Bollywood Film Festival Russia nung akatsü

Moscow, November 19 (Agencies) : Bollywood Film Festival Russia nung November 30 nü nungi December 07, 2016 tashi yimti 20 indang Cinemapark cinemaplex tem nung amungtsü sentong renema lir.
Iba sentong ya Russia nung aliba India Embassy, Ministry of Culture of Russian Federation aser Russia nung amenoka aliba Bollywood company Indian film & media company tem den Innovations India nung Director Rahul Bali teyari dena akatsü.
Iba sentong atema fashion partner ji JD Institute of Fashion Technology lir aser iba reju nung aliba designer temi ‘Romance Rising’ omen nung ajemdaker design asütsü.
“Russia nung India indang design tem sayutsü aliba lanur designer tem reprangtsü atema kanga yonga atar,” ta iba benjong director Anna Gutovskaya-i sangdong ka ajanga metetdaktsü.
Fashion show sentong nung “Awara”, “Ajooba”, “Bobby” aser “Disco Dancer” film tem tang tashi meimba angutsü.
“Russia nungeri India cinema kanga meimer. Iba benjong amungba ajanga India film industry ajanga Russia nung temeim ajangzüktetba jungkai adoka sayur,” ta JD Institute of Fashion Technology nung Executive Director RC Dalal-i ashi.
Iba benjongmung ya Moscow nung dang masü saka St. Petersburg, Novosibirsk, Yekaterinburg aser Nizhny Novgorod yimtitem den ano tanga yimti kar nung dena amungtsü.