Bollywood-i aitba ajanga kü taküm melenshitsü: Jacqueline

Mumbai, February 16 (Agencies): Sri Lankan tsür Jacqueline Fernandez shiba Bollywood nung actress lir, lai ashiba agi, linük aser sobaliba balaka nungi arua India film industry nung shilem agiba ajanga la taküm aser libaliro khenyongi melenshitsüogo.
Jacqueline denim brand Lee ajungkettsütsü asoshi shim. Bodhbarnü India tsürtem asoshi tongtibangsa yangluba ‘Body Optix’ sayaba sentong nung la dena liasü.
Iba brand den la koma medemdanger ta asüngdasngba mapang lai la Bollywood nung shilemtem den medemdanga langzü. “Mumbai nung arua kü lenmang yanglutsü asoshi temela masüasü, kechiyong ni linük aser sobaliba balaka nungi liasü. Ni mezüng Mumbai-i aruba belimteter. Ni kanga tataseta aliba bilemteter. Ni aotsüba tesemi aotsü asoshi cab ataba dang tashi bilemteter.”
“iba mapang nungi tenzüka tanü tashi nung kü taküm ajunga melanshiogo. Iba ajanga ni brand Lee Jeans den medemdangteter, kechiyong brand ajangaa alima yanglushitsüba indasng jembir,” ta Jacqueline-i ashi.
“Ni jean asemtsü asoshi kanga jangrar, kechiyong iba ya comfortable dang masü saka kü tanabuba teküp,” t alai ashisem.
Iba sentong nung , VF Corporation nung tatong tir Steve Zades aser Lee India, General Manager Sharad Wali nungertemi shilem agi.