Bollywood-i Amitabh Bachchan arishi küm 73 ajungba salem lemsatep

October 11, 2015: Tanü October 11, 2015 nü Amitabh Bachchan arishi küm 73 ajungba anogomung nung Bollywood-i twitter ajanga pa den tasoba anogo tepela salem lemsatepogo.
Vashu Bhagnani-i twitter ajanga, “Adianu tambusang-@SrBachchan den tepela tasoba anogo lemsateper…Amit, iba ya küm tajung ka südakjang,” ta lemsatep.
Ano model aser actress Diya Mirza-i, “Happy Birthday Sir!!! Na ya ajungmesor ka lir. Na ya milen tesangwa sayur ka lir. Temeim aser akhümtsübu agütsür,” ta lemsatep.
“Kanga dang tongmelang mongin @SrBachchan! Nü dang nungi tangazüktsü aika lir Sir. Anema aliba taküm, tepela aser takokji nü meyong süang,” ta Parineeti Chopra-i lemsatep.
Actress Madhuri Dixit-Nene-ia, “@SrBachchan, tepela tasoba anogomung lemsateper. Na teti ajungmesor ka asüba atema pelar,” ta lemsatep.
Ano actress Deepika Padukone-ibo, lai Amitabh Bachchan tsüngdong oa tasoba anogomung tepela lemsateptsü ta yasüng metetdakja liasü.
“Ni pa tsüngdong oa lemsateptsü. Ni yimjak nung tepela melemsatepner. Tesentaktep ya nija dak sentakba lir ka ta ni bilemer aser ni pa tsüngdong oa tepela lemsatepner,” ta lai osangbenertem dang shia liasü.
Amitabh Harivansh Bachchan ya India nunger film actor tain rongnung ka lir. 1970s mapang pai Deewar aser Zanjeer ama film nung shilem agiba sülen nüngtugu akum aser Bollywood film tem nung pai shilem agiba apir pa dang Bollywood nung “Angry Young Man” ta nüngja agüja lir.
Teji Bachchan aser Harivanshrai Bachchan na jabaso, Amitabh Bachchan ya 1942 küm October 11 nü Allahabad nung aso. Pa kinüngtsü Jaya Bhaduri Bachchan lir aser tena Abhishek Bachchan aser Shweta Bachchan-Nanda na sosema lir.