Bolt-i alima süngmangdaktsür

Beijing, August 23, 2015:China yimtiba, Beijing nung 2015 IAAF World Championships nung Jamaica nunger asemteper Usain Bolt-i metre 100 asemtepba nung takok ngur pelaba noksa nung angur.

Beijing, August 23 (Agencies): World Championships atongtsü ita ishika lia, iba asayamung nung medentettsü südi ta bilema alisang, Jamaica nunger Usain Bolt-i Deobar nü second 9.79 nung metre 100 asema liasü. Pai 100m aser 200m asemtepba nung world-record ana yangluogo aser küm tenet tejakdang 4x100m nunga gold medal ka ngua lir.
Tesüiba mapang pai second 9.58 nung metre 100 asema liasü saka pa küm ana yirur aliba ajanga tanbo mezüng mapangji pai memeneptet. Ajisüaka stadium nung alirtemi arishi küm 29, Bolt nem nokdaker tetushi agüja liasü, ta Xinhua osang ajanga ashi.
Tesüiba mapang World aser Olympic champion Justin Gatlin-ia second 9.80 nung metre 100 asema silver medal angu.
United States nungi Trayvon Bromell aser Canada nungi Andre de Grasse nati metre 100 ji second 9.92 agia asem ma-a tasembuba jenjang nguteta bronze medal ka ka angu.