Bolt-i Golden Spike tetoktepba nung shilem agitsü

Johannesburg, April 26 (Agencies): Alima ajunga nung tekaratiba asemsang, Usain Bolt-i Czech Republic northwestern tsütsülen, Ostrava nung taruba May ita 20 nü agitsü ayongba Golden Spike kübok 100m tetoktepba nung shilem agitsü renemogo.
Iba tetoktepbaji Jamaica nunger Bolt-i taküm tenzüker tan agi 2016 Rio Olympics asoshi terenemshiba agia tanabuba tetoktepba nung shilem agir asütsü.
Kasa tetoktepa nung arishi küm 29 tain Bolt-i tebur 100m, 200m aser 4X100m takokba maneni akoktsü alizüng yua lir.
Iba tetoktepba nung shilem agiba jakdang, taoba mapang Olympic gold medal 6 ben tashi agizüka alisang, Bolt-i taküm küm asoshi mezüngsüa toktepa shilem agia, taruba May ita 14 nü agitsü ayongba Cayman Invitational Meet nung toktepa shilem agitsü.