London, July 23 (Agencies): Jamaica nunger tetoktepa asemer mongin, Usain Bolt-i alizüng mezüng tonga London Diamond League tebur 200m takokba yashi, Hokolbar nü agizükogo.
Ano, America’er tetsür sprint hurdler, Kendra Harrison-i alima ajunga nung world record tejentiba yashi ajangteta otsü tasen yangluba osang jangjaogo.
Küm 1 tsüngda nung tan mezüngsüa 200m tetoktepba nung shilem agisang, Bolt-i minute 19 ser second 89 nung 200m alizüngji tonga 1 buba jenjang angu.
Bolt-i tan tetoktepba nung shilem agiba ya Brazil kübok Rio de Janeiro nung 2016 Rio Olympics asayaba jakdang tatembangsüa toktepa shilem agir lir.
Tetsüng atsüpeta taoba June ita agiba Jamaican trials nung shilem magiteti süidaktsüsang, Bolt-i tan timtem kecha majurui takok ngua shilem agiba sülen Rio nung tebur 100m, 200m aser 4x100m relay gold agizüktsü alizüng ayuba olen ka metetdaktsüogo.
Ano külen, Harrison-i minute 12 ser second 20 nung tetsür 100m alizüng tonga otsü tasen yangluaka, lai taküm May ita agiba US trials nung 6 buba jenjang ngua Rio nung shilem agitsü temeten mongutetba osang jangjaogo.
Lai Olympics nung shilem agitsü temeten monguaka, yashi takok anguba sülen senpet sen dollar sen 50,000 agizüka liasü.
Harrison-i tan tekaratiba mapang nung alizüng atongba sülen Bulgaria tsür, Yordanka Donkova-i 1988 küm yangluba takaratiba mapang nung 100m alizüng atongba otsü tasen yangluogo.
You must be logged in to post a comment Login