Bombay HC-i Maharashtra nung nashishi achitsü melar

Mumbai, May 06 (Agencies): Hokolbarnü Bombay High Court-i, Maharashtra nung nashishi achiba mesüra nashishi bena alibaji ozüng alema masü, tangalen nungi bener  aruba nashishi achitsü akok, ta shiogo, ajisüaka maneni state nung nashi tepsettsü memelar.
Bumbai High Court-i, nashiji Maharashtra nung masü saka tangalen tepsetba dang süra nisung kati nashishi achitsü aser abentsü akok, ta ashi.
Tangalen nungi Maharashtra-i nashishi bener arubaji ozüng alema ta Maharashtra Animal Preservation (Amendment) Act section ka nung lir. Tangalen tepsetba süaka nisung ka ket nung nashishi mesüra jangshi bena alibaji ozüng alema ta aliba section anema temepishiba ka benoka liasü.
Sorkar tenüng nungi Lawyer Rakesh Kumar Singh-i, “Nashishi shishilembatsü akok, ajisüaka item shiruruji Maharashtra nungi masütsüla,” ta ashi.
Yaküm Maharashtra sorkari nashishi achiba mesüra abenbaji ozüng alema aser iba ozüng alema inyakertem küm 5 tashi tepoukdak ayutsü mesüra senchi 10,000 achitsü ta ozüng tesashi lateta liasü.