Bon Jovi-i Billboard No. 1 album 6 benbuba ajangzüker

Bon Jovi kentener telok nungi tongti ken atensang, Jon Bon Jovi (Achiji)-i US kübok Pennsylvania nung ayongba kententsü sentong ka nung shilem agiba noksa ka yangi angur. (Pennsylvania, November 15)

Philadephia, November 15 (Agencies): Rock kentener telok, Bon Jovi aser R&B kentener, Alicia Keys nati US Billboard 200 tarensen nung mezüngbuba aser tanabuba jenjang anguba aser tanurtem asoshi yangluba film, ‘Trolls’ nung atenba ken agi tasembuba jenjang anguba osang angazükogo.
US kübok New Jersey nung tentetba kentener telok, Bon Jovi’er ‘This House Is Not For Sale’ kensep 129,000 tashi yokteta, tan agi par telok indang kensepi No. 1 album jenjang 6 benbuba ajangzüker.
‘The Voice’ kententsü tetoktepba nung tetendanger inyakla, Keys-i adokba ‘Here’ studio kensepa 50,000 tashi yoka, tanabuba jenjang anguba osang jangjaogo.
Animation yimya nung yangluba ‘Trolls’ film nung amshiba soundtrack-a 46,000 tashi yokshia, Billboard 200 tarensen nung 39 buba jenjang nungi 3 buba jenjang tonga atuba osang angazükogo.
‘Trolls’ film nung amshiba kenji Justin Timberlake, Ariana Grande, Gwen Stefani aser Anna Kendrick nungeri lungjemer atenba ken ka lir.

Bon Jovi-i Billboard No. 1 album 6 benbuba ajangzüker added by nungsang on November 15, 2016
View all posts by nungsang →