Bon Scott’er jila nung pa indang kürakyanglu ka yanglutsü

January 27, 2016: Scotland, Kirrimuir nung ketdangsertemi par jila nung soteter nüngtugu kentener Bon Scott nem akhüm agüja pa indang kürakyanglu ka yanglutsü mulungtepogo.

Kentener telok ‘AC/DC’ nungi taoba mapang tongti kentener Scott indang kürakyangluji jila nungi Bellies Brae car park nung yanglutsü aser taküm April ita nung sayatsü.

Iba kürakyanglu yanglutsü atema AC/DC nungi Scott sapurtemi US sen 69,000 sarutetba sülen ita pezü lir kürakyanglu tasen yanglutsü atema pusemba shidi 80 council lenirtem ket tongogo.

Iba kürakyangluji Scott indang tanabuba kürakyanglu asütsü.

Scott ya 1946 küm Kirriemuir nung aso, saka 1956 küm pai anir par kibong Australia-i oa ali. Australia nunga pa nüngtem nung kürakyanglu ka yanglua lir, aser ibaji 2008 küm sayaa liasü.

Nüngtugu kentener Scott ya 1980 küm asü.