‘Bond 25’ sayatsü anogo thitsü

Tsüklai/February 16 (Agencies): Daniel Craig indang taruba ‘Bond 25’ film ya February 14, 2020 melena April 8, 2020 nü sayatsü, ta osangtem ajanga metetdaktsü.
‘Bond 25’ film sayatsü anogo thitsüba ya tan agi tanabuba asütsü.
2017 küm MGM aser Eon nati iba film November 8, 2019 sayatsü atema sangdong aser Danny Boyle melena Cary Joji Fukunaga-i direct asütsü lemtetba sülen film ya February 14, 2020 anogo agi ano melenshija liasü.
Bond 25 film ya Universal ajanga alima ajunga nung sayatsü, kasa mapang MGM indang partnership Annapurna den longjema United Artists Releasing label ajanga iba film India-i bener arutsü.
Film tasenba nung Daniel Craig-i Bond aser Lea Seydoux, Ralph Fiennes, Naomie Harris den Ben Whishaw nungeri Sam Mendes indang 2015 küm sayaba ‘Spectre’ nung shilem agiba character tem tanaben agitsü.
Bond series nung taoba installment ana ajanga takok tulu ngua liasü, kong alima box office ajunga nungi ‘Skyfall’ film ajanga $1.1 billion aser ‘Spectre’ ajanga $880.7 million shii aazükogo.
‘Bond 25’ film ya taruba ita March 4 nü nungi tangok tenzüktsü kong Craig-i pungoben buba james Bond shilem agiba angutsü. ‘Jane Eyre’ aser ‘Beasts of No Nation’ direct asüsang Fukunaga ya MGM aser Eon kübok iba franchise otsü nung America nunger director rongnung mezüng kümogo.
‘The World Is Not Enough’ densema bond film 6 tashi atema script zülutsür Neal Purvis aser Robert Wade nati Bond film tasenba atema script zülutsütsü asoshi ternemba lir.