Bond film tasenba, ‘Spectre’-i UK nung otsü tasen yanglur

New York, October 29 (Agencies): James Bond film tasenba, Spectre-i British box office otsü tasen yangluba osang ka Sony Pictures Entertianment-i tanü Brehostibar nü metetdaktsüogo.

Hollywood actor, Daniel Craig-i tan tesüsa Britain nunger MI6 itangiter, 007 ama shilem agiba Spectre film sayunü, yashi Bodbar nü kisung nung dollar sen million 9.2 tashi Britain nung aazükba osang jangjaogo ta par teloki ashi.

Spectre film-i yashi kisung nung 2012 küm mezüngsüa sayaba Bond film, Skyfall mezüng sayu nü aazkba sen den sen timba aazüker lir.

Sen million 200 indokba yanluba Skyfall film alima tesem balala nung sayuba sülen dollar sen billion 1.1 dak tema aazükba osang bushiteta lir.

Alima ajunga nung mezüng sayua, London nung tan Hombar nü sayaba Spectre film ya North America densema tanüngba alima tesem balala nung taruba November ita 6 nü nungi tenzüka sayutsü sentong renema lir.