Bono-i U2 concert ajanga refugee tem yaritsü

September 06, 2015: Kentener aser activist Bono-i U2 kenten sentong nung ken ka tiyongtsü nung leplazü melenshiba ajanga pei ki toktsür senzür refugee tem yaritsü.
Kentener telok U2-i alima sema kentena senzüba sentong European tan hopta tenzükogo, aser Turin nung aliba Pala Alpitour indoor sports/concert arena kenten sentong nung Bono-i, refugee tem timtemba atema pai telangzüba ka magütsütettsü saka parnok tebilemtsü asoshi ajak longjemer lenmang ka bushitsüla ta ashiba mirror.co.uk osang ajanga metetdaktsü.
Tan hopta tetenzüklen Turkey nung Syria nunger tebur chanu tasümang ka tzüyimkümlen anguba ajanga nüburtem kanga jashitepogo aser Europe linük ajak nung sorkartemi refugee tem yaritsüla ta takhangba agüja ola adokdagi.
Bono-i “Pride” ken (In the name of love) nung iba tatalokba nung ajemdaker “Tebur ka tzüyimküm nung tasümang pongteta liasü,” ta inoksemogo.
U2 ken 24 dak tema adenba sentong nung refugees tem video screen nunga sayua liasü ase Bono-i, “Alima nung jashitsüsa tatalokba aika lir, ajisüaka taongnu yangibo tepela kanga lir,” ta ashi.

You must be logged in to post a comment Login