Border Security Force-i Bangladesh nunger 35 apu

Agartala, March 5 (Agencies) : Indo-Bangla international border anasa aliba Dhalai district nung BSF-i Bangladesh nungi ozüng alema arur nisung 35 apu.
Parnok rongnung tetsür 24 aser tanur asem dena lir, ta osang metetdaktsü.
Osang kar angazükba sülen, Hokolbar nikongtsütsü BSF telok kati mita aodang Bangladeshi nungertemji apu, ta police ketdangser kati ashi.
Parnokji Chittagong Hill Tracts (CHT) nungi aruba liasü aser iba tesemji Dhalai district den arrtsüa lir, ta paisa ashi.
Bangladesh nungertem ket nung kulikaket tejangja bena maliasü aser BSF-i parnok ajak police ket nung agütsü, ta Superintendent of Police (Police Control room), Uttam Bhowmik-i osangbener dang ashi.
Taoba Bodbarnüa Dhalai district kübok Gandacherra tesem nung police-i Bangladesh nunger 23 apu.
Tripura-i Bangladesh den kilometer 856 agi arrtsüa lir aser iba nung kilometer 750 shi atsüdangogo.